बगेश्वरी बहुउद्देश्यीय कृषि फार्म सल्यान जिल्लाको कोटमौला गाविस वडा नं. ६ स्थित डाँगीगाउँमा स्थापना भएको छ । सुन्तला, अनार, कागती, निम्बुलगायत विभिन्न जातका फलफूलका बिरुवा उत्पादन गरी किसानलाई सहुलियत दरमा उपलव्ध गराई जिल्लालाई नै फलफूल खेतीमा आत्मनिर्भर बनाउने यस कम्पनीको लक्ष्य छ । करिब ७ सय डाँगी समुदायको घरपरिवार रहेको यस गाउँका मानिसहरुको मुख्य आयस्रोत फलफूल तथा अदुवा खेती भएपनि नर्सरीको अभावमा किसानहरुलाई समस्या भएको थियो । सोही समस्या समाधानका लागि स्थानीय यज्ञबहादुर डाँगीको सक्रियतामा यो कम्पनी स्थापना गरिएको हो ।